I.Ni uko umwana yatuvukiye
Duhawe umwana w’umuhungu
Kandi ubutware buzaba ku bitugu bye
Azitwa igitangaza, Umujyanama,
Imana Ikomeye, Data wa twese Uhoraho
Umwami w’amahoro./2
Ni igitangaza, ni igitangaza
Imana kwemera kubana n’abantu,
Ni igitangaza, ni igitangaza
Imanweli Imana iri kumwe natwe.
II.Uwo ni we Jambo ry’Imana
Yahoranye n’Imana
Kandi Jambo uwo yari Imana
Ibiriho byose ni we wabiremye
Nta kintu na kimwe kitaremwe nawe
Muri we harimo ubugingo./2
III.Abantu bagenderaga mu mwijima mwinshi
Babonye umucyo
Abari batuye mu gicucu cy’urupfu
Baviriwe n’umucyo
Kuko umukiza w’abantu yabonetse
Ni Yesu Umwana w’Imana asingizwe./2