Kera twari ubwoko bw'abanyamahanga
Turi abashyitsi ku byasezeranijwe
Ari nta byiringiro by'ibizaba dufite
Twari mu isi tudafite Imana rurema
Twikoreraga ibyo kamere yacu yifuza
Ku bwa kavukire twari abo kwangwa n’Imana /2
Gore: Ariko kuko Imana ari umutunzi w'imbabazi
Yemera gutanga Yesu ngo ashenjagurwe
Igihano cy'ibyaha byacu akishyiraho
Yemera gupfa urupfu rw'agashinyaguro
Bose: Rwa rusika rwadutandukanyaga n'Imana
Amaraso ya Yesu yarukuyeho /2
Gabo: Twari dupfuye tuzize ibyaha byacu
Umwanzi Satani adutwaza igitugu
Twiberaga mu mwijima w'icuraburindi
Intimba n'imibabaro byari bitumaze /2
Bose: Mbega ubuntu butangaje
Twagiriwe twebwe abari kure
Twigijwe hafi y'Imana
Iduhindura ubwoko bwayo /2
Hasingizwe Yesu utaranze gupfa
Hashimwe Yesu we watwitangiye
Nahabwe ikuzo yatubereye igitambo
Nashyirwe hejuru kuko ataheze mu mva /2
Gabo: Yarazutse ni muzima
Bose: Ni muzima Yesu yarazutse /4