Gore: Hashimwe Imana
Bose: Nihashimwe Data
Gore: Mwami mutware
Bose: W’iyi si n’ijuru /2
Bose: Ni wowe Mwami wenyine /2
Isi n’ijuru biguhimbaze
Ni wowe Mwami wenyine /2
Ibyaremwe byose nibiguhe icyubahiro
Mukiza wacu
Ni wowe Mwami wenyine /2
Isi n’ijuru biguhimbaze
Gore: Byari kuzatugendekera bite ?
Bose: Iyo utaza kuba mu ruhande rwacu !
Gabo: Tujya kubiba twagiye turira
Bose: None ubu tunejejwe no gusarura imbuto
Reba nawe uko imbuto zose zakuze
Amahundo menshi yuzuye mu murima
Ko twishimye gutya bizamera bite ?
Nyir’ umurima nahagera
Gore: Umwuka w’Imana yabaye mu bakozi
Bayikoreye kuva bakiri bato
Ibitangaza byinshi yabakoresheje
Baracyabirebesha amaso yabo
Gabo: Imibabaro myinshi n’ibigeragezo
Babinyuragamo bafite ubutwari
Yesu yabashoboje kunesha Satani
Washakaga gusenya uyu murimo
Bose: Imitima myinshi mwazaniye Kristo
Yayanditse mu gitabo cy’ubugingo
Italanto zose mwahawe kugenzura
Azazibahembera inshuro ijana
Gore: Byari kuzatugendekera bite ?
Iyo utaza kuba mu ruhande rwacu !
Gabo: Tujya kubiba twagiye turira Bose: None ubu tunejejwe no gusarura imbuto.
Gore: Ukuboko kwiza kw’Imana yacu
Kuri kumwe natwe bakundwa
Bose: Kuri kumwe natwe.
Gore: Yaturinze amajya n’amaza,
Atwikorerera imitwaro
Yacanye umuriro muri twe,
Ugera mu magufa yacu
Bose: Mu magufa yacu
Gabo: Mwami Yesu turaguhimbaza
Twe n’imiryango yacu,
Twe n’urubyaro rwacu
Tuzagukorera aaa
Bose: Abakijijwe mwese mwishime,
Imana yacu iracyategeka
Muzane abakene bo muri mwe,
Mubafungurire munezeranwe,
Nimuruhure abakozi banyu,
Imyenda yose muyibabarire
Mwakire imfubyi n’abapfakazi,
Mubahumurize, mubarengere.
Yemwe bashumba, yemwe bakristo
Murabe maso kubyo mwasigiwe
Cya kibitsanyo tukirindishe
Umwuka wa Yesu uba muri twe.
Ni wowe Mwami wenyine /2
Isi n’ijuru biguhimbaze
Ni wowe Mwami wenyine /2
Isi n’ijuru biguhimbaze ee ee