Zaburi 125
Nk’uko imisozi yose igose i Yerusalemu,
Niko Uwiteka agose abantu be
Nk’uko i Siyoni ari ururembo rw’Umwami ukomeye
Niko tumeze mu mahanga
Turi hagati y’ibigusha n’ibigeragezo
Tumeze nka karungu mu mahwa
Tugenda mu nyanja tumeze nk’ubwato bunini
Budashobora kuzarohama
Twashyizweho ikimenyetso Uwiteka azi abantu be
N’amarembo y’ikuzimu na yo ntazadushobora /2
Uwo ni nde ugendera mu micyamo y’imisozi
Azanye inkuru zivuga ibyiza
Aturutse i Bunafutali no kwa Zebuloni
Hose yarahamurikiye
Ni wawundi waremye ijuru n’isi n’ikirere
N’izuba n’ukwezi n’inyenyeri
Noneho aje mu isi yacu ngo indushyi aturuhure
Anatwikorerere imitwaro
( Yemwe ngumba zitabyara nimwishime munezerwe
Uwiteka aratwibutse atumaze umubabaro) /2
Hahirwa umuntu utoranya ukanamwiyegereza
Akaguma mu bikari byawe
Abasore b’imigenda bazagenda baruhe
N’abasore bazananirwa.
Ariko abizeye izina ryawe Mwami Uwiteka
Bazagenda ntibazacogora
Bazagurukisha amababa yabo bakomeze
Bazagenda ntibazarambirwa
( Yemwe bana bato mwese nimusingize Uwiteka
Abagabo n’abagore nimukingure imitima) /2
Twashyizweho ikimenyetso Uwiteka azi abantu be
N’amarembo y’ikuzimu nayo ntazadushobora /3