Naguzwe amaraso y’Intama, nshunguzwa imbabazi zayo
Noneho ndi umwana wayo, nzajya mbyamamaza hose
Yesu nyiri izina ryiza, riruta amazina yose
Ni umutware w’abatware, ni we Mwami utwara abami
Nimuvuge ako gakiza, mwature uwo munezero
Abarushye baruhuke n’abarira baririmbe
Gabo: Naomi, Orupa, Rusi ba bagore bababajwe
Mubahamagare baze mbabwire inkuru nziza
Narageragejwe nkamwe, nashaririwe n’iyi si
Satani yandashe imyambi ngo nkunde nivuguruze
Gore: Abeli, Yobu, Yabesi ba bagabo bababajwe
Mubahamagare baze mbabwire inkuru nziza
Narageragejwe nkamwe, nashaririwe n’iyi si
Satani yandashe imyambi ngo nkunde nivuguruze
Bose: Mwa banyamibabaro mwe ndababwira inkuru nziza,
Mwegamire Yesu Krisito muture mu mahoro ye
Mwami nshaka ko tubana aho uzaba ni ho nzaba
Ubwoko bwawe ni bwo bwanjye, Imana yawe ni yo yanjye
Sinzinuba sinzitotomba, nzagumya nishime cyane
Umurage nagenewe, sinzawugurana iyi si
Ni wowe nshuti magara nkubitsa amabanga yose Ibyiza wankoreye umutima wanjye ubizi neza
Amatsiko n’urukumbuzi byo mu bugingo bwanjye Bijya bimbuza amahwemo simbashe kwiyumanganya
Umuriro wawe waka mu magufwa yanjye yose
Nkibuka ko uri umutware, nanjye ndi igisonga cyawe.
Nibaza uko bizamera wa munsi tuzabonana (Noneho ntuzanyihisha ngo mbe mu isi ube mu ijuru.) /3